Октябрь 30-де Моолдуң Копту аймааның төвүнде Гиннес дептеринче киир бижидер сорулгалыг бүгү делегейниң хөөмейжилери чыглып, «Муң хөөмейжи» деп шуулган эртиргеннер. Шуулганга тыва чонну төлээлээри-биле улустуң аас чогаалындан үндезилеп тургустунган «Тыва» бөлүү база Тыва национал оркестрниң аныяк хөөмейжилери киришкеннер.
Тыва улустуң сагыш-сеткилиниң эртинези – хөөмей-сыгытты мөңгежидеринге үлүг-хуузун киирип турар моол хөөмейжилерге өөрүп четтиргенивисти илереттивис.

Улуг шуулган болуп эртип турары дээш, делегейниң бүгү хөөмейжилеринге изиг байырывысты чедирдивис!

Хөөмей-сыгыт кезээ шагда сагыш-сеткил эмнээр болзун!
Кыңгырадыр куттулуп-ла чаңгыланзын!
Курай-курай!

#тыва
#монголия
#тыва_төп
#хөөмей
#муң_хөөмейжи
#Центр_тувинской_культуры