Хүндүлүг эш-өөр!
Эмчилерниң овур-хевири биске маадырлыг болгаш төлептиг чоруктуң үлегери болу берген. Кижиниң амы-тынынга база кадыкшылынга халдавырлыг аарыг когарал чедирип, бүгү делегейге эпидемиологтуг берге байдалды тургузуп кээрге, шупту эмчилер боттарының хүлээлгезин чаныш-сыныш чок күүседип, дидим эрес чоруу-биле чоннуң хей аъдын көдүргеннер.
Ам-даа хүн-бүрүде хамчыктыг аарыг-биле чидиг демиселгени чорудуп, ажыл-ижинге сеткилинден бердинип, маадырлыы-биле чонувустуң амы-тыны дээш кызып чоруурлар.
Шупту демнии-биле эмчи кижиниң буянныг болгаш үнелиг ажыл-ижин онзалап, боттарыңарның кадыыңарче кичээнгейни салып, арыг-силигже хумагалыг хамаарылгаңарны утпайн сагып туруңар!

#Тыва #Ыдык_буян_эмчилерде #тыва_төп #стопкоронавирус