Шагаа байырлалын элээди уругларга эрттирериниң чижек чорудуу
Ѳргээни Шагаа темазынга таарыштыр дерип каастаан болур.
Башкарыкчы 1: Чаа чылды уткуп тура, бүгү улус
Чазык, чылыг ойнап-хөглээр – чаңчыл ындыг!
Башкарыкчы 1: Чүге дээрге, хөглүг уткаан Чаа чыл биске
Чүгле дээди буян кежиин сөңнээр болгай!
Ийилээ: Шаг чаагай, Шагаа чаагай, курай, курай, курай!!!
Башкарыкчы 1: Чараш хөглүг мөөрейлер эрттирери –
Шагаавыстың үреп болбас чаңчылы-дыр.
Сыдым октаар, даш көдүрер, тевектээр, аьт бажынче дээрбек октаары дээш оюннары кайы көвей болгай.
Башкарыкчы 2: Хүндүлүг чыглып келген чаштарывыс. Силер бүгүдени байырлалдың оюн-тоглаазынче чалап тур бис. Бир-ле дугаарында болур оюннарны чарлап, эрттирикчилери-биле таныштырар-дыр бис.
(Оюннарның эртер черлерин айтып бээр. Оюннарны эрттирер харыысалгалыг кижилерни, мөөрейжилерни манап турарлар).
Башкарыкчы1: Тевек тевер оолдарны манап туру!
(тевек тевер шѳлдү аӊгылап белтекеп алыр)
Башкарыкчы 2: Аът бажынче дээрбек октаары!
(аът баштарын таарыштыр кылган дээрбек октаар оюнну белеткеп, шѳлче чалаар)
Башкарыкчы 1: Чаштарывыстыӊ чамдык кезии оюннарын ойнап турда, бистер анаа турар эвес, база бээр туруп, ойнаалыңар! Бичии чаштарывыс, кандыг оюннар бар ийик, сактыптаалыңарам: дүрген чугаа, узун тыныш, тывызыктажыры, кожамыктажыры, кажыктаары дээш-ле баар болгай. Күзелдиг ойнакчыларны чалап, кыйгырып тур бис!
Башкарыкчы 2: Кажык адып, аът чарыштырып ойнаар күзелдиг уругларны база кый деп тур бис.
Башкарыкчы 1: Шагаавыста аас чогаалдыӊ мѳѳрейлерин ойнаваска кайыын боор дүрген чугаа, узун-тыныш, йөрээл сөстерге белеткен чаштарны база чалап тур бис.
(кол харысаалгалыг эрттирикчи шѳлүн белеткеп алган чаштарны манап турар)
Башкарыкчы 2: (ырлай аарак): Кожамыкка кончуг-ла мен
Кожа тырткаш салыр-ла мен
Кожар пөске хоржак-ла мен
Хокпайтып-ла каар-ла мен.
Башкарыкчы 1: Ырлапкан дээш мени канчаар
Ыргай-биле кагар эвес
Ыргай-биле какса-даа-ла
Ыры чаңын салыр эвес.
Кожамыкка кончуг күштүг, сагынгыр-тывынгыр ыраажыларны база чалап тур бис. Мөөрейниң тускай негелделери-биле таныштырып көрээлиңер: кол-ла чүве, __________чылын уткуп турар болганывыста, эң-не чараш ырлаан уругларны оолдарны манап турар. Эрттирикчизи_____________________________________________
Тус-тузунда мөөрейлер болуп эгелей бээр.
Мөөрейлер доозулган соонда:
Башкарыкчы 1: Чаа чылды уткуп тура, бүгү улус
Чазык, чылыг ойнап-хөглээр – чаңчыл ындыг!
Чүге дээрге, хөглүг уткааан Чаа чыл биске
Чүгле дээди буян- кежиин сөңнээр болгай!
Башкарыкчы 1: Уруглар! Мөөрейлеривис адакталып, доозулду, эки ойнаан тергииннерге четтирдивис, эр-хейлер!
Шаг чаагай! Шагаа чаагай! Курай! Курай! Курай!
