Май 6-7 хүннеринде болуп эрткен Россияның чоннарының культурлуг өнчү чылынга, уругларның аас чогаалга үндезилеттинген “Эртине” бөлүүнүң 30 чыл оюнга, тиилелге хүнүнге тураскааткан «САРАДАК – 2022» деп XVII дугаар республика чергелиг бичии хөөмейжилер мөөрейиниң түңнелинде мөөрейге “Дээди шаңнал” (Гран При) алган 13 харга чедир бичии хөөмейжилерге “Хөөмейниң Эдискизи” деп атты, а 14-18 харга чедир “Дээди шаңнал” алган хөөмейжилерге “Хөөмейнин Амыргазы” деп атты тыпсып эгелээн. Бо айтырыгның шиитпирин төгерик столдуң киржикчилери – хөөмей башкылары, жюри кежигүннери – бадылаан.

“Сарадак-2022” мөөрейниң түңнелинде “Хөөмейниң Эдискизи” деп атты Дажы Рустамга (Улуг-Хем кожуун), “Хөөмейниң Амыргазы” деп атты Көшкендей Чолдугга (Кызыл) тывыскан.