БАЙЫР ЧЕДИРИИШКИНИ

Бо хүн Тыва Республиканың улустуң чогаалчызы, шүлүкчү, прозачы, этнолог, этнограф, төөгү эртемнериниң доктору, Тыва АССР-ни база РСФСР-ниң культураның хүндүлүг ажылдакчызы, Тыва Республиканың эртемниң хүндүлүг ажылдакчызы, Нью-Йорктуң эртем Академиязының кежигүнү, Тыва үндезин культураның шинчилекчизи болгаш тарадыкчызы, “Хамнаашкынның дириг эртинези” деп бедик аттың эдилекчизи, Кызыл хоорайның хүндүлүг чурттакчызы Монгуш Борахович Кенин-Лопсан 95 харлап турар.

Хүндүлүг өгбевис Монгуш Борахович!

Тыва үндезин культура төвүнүң коллективи Силерге төрүттүнген хүнүңер таварыштыр изиг байыр чедирип, каң дег быжыг кадыкшылды күзевишаан, тыва чоннуң ёзу-чаңчылдарын, аас чогаалын, төөгүзүн өзүп орар келир үениң салгалдарынга камгалап, арттырарынга киирген улуг үлүг-хууңарны үнелеп, өөрүп четтиргенивисти илередип тур бис!

#тыватөп#Центр_тувинской_культуры#байыр_чедириишкини

Назад