Адааннашкан оюнунга алдарлыг спорт мастери,
Азияның чурттарының арыг чемпиону,
Делегейге үжүүрлешкеш делгем көрүштү шиңгээткен,
Олимпиадага тергиидээш хүлер медальды чаалап эккелген
Орлан-шоваа оглувус төрээн Тывазында ужудуп чедип келди!

Кадыг-бергелерни ажар күчү-күжүнге бүзүрелдиг,
Казак чуртундан үнер ырак көрүжүнге идегелдиг
Кашпалдарның кара эзири дег түрлүг,
Кадыр дагларның кашпагай ирбижи дег сүрлүг,
Тутчуп кирерде сүлдезин киискидип самнаар
Тулчуушкуннуң тугун бедик көдүрүп курайлаар,
Тынгарыкчы чүректерниң чалбыыжын өөскүткен,
Тыва чонунуң чоргааралын оттурган,
Саарлып баткан Чадаана хемниң оглу
Санаа Артастың онаан үндүрүңээр!

Сөзүглели: Вадим Чыкай
Күүселдези: Тыва Республиканың Улустуң хөөмейжизи Андрей Монгуш.

#культура_тувы #тыва_төп #Артас_Санаа #мөгевиске_мактал

Источник фото: Тувамедиагрупп

https://youtu.be/b0biePsw9u8