? Уранхай ча адарынга адаан-мөөрей

Июнь 16-18 хүннеринде кожавыс Моол күрүнениң төвү Улан-Батор хоорайга күрүне авыргазы тодарадыр, уранхай ча адар маргылдаа болуп эрткен. Аңаа Тыва Республиканың ча федерациязының төлээлери барып киришкеннер.

Тыва, моол чоннар шаг-төөгүден бээр кожа-хелбээ чурттап келгеннер. Чингис хаанның тергиидеп турар үезинде, ооң часпас адар адыгжыларының көвей кезии арга-арыг уранхайлары (тывалар) турганы билдингир. Моолдуң уранхай ча федерациязының удуртулгазы тыва адыгжыларны хүндүткелдии-биле чалап алганы дээш, оларга улуу-биле өөрүп четтиргенивисти илередип тур бис! Ол ышкаш «Дет мастер» (Уранхай ча адарынга спорт мастериниң кандидады) деп атка төлептиг болган Успун Кежик багжывыска байыр чедирбишаан, моон-даа соңгаар чедиишкинниг болурун күзедивис!