Өг-бүле хүнү-биле!

Мөңге амыдырал-чуртталганың үндезини – өг-бүле болур. Кижи төрүттүнүп келгеш-ле, өг-бүлезиниң эргелиг хүрээлеңинге доругуп өзүп келгеш, улаштыр боду өг-бүле тудуп, ажы төрүп чурттай бээр.

Хүндүлүг чонувус!

Тыва үндезин культура тѳвүнүң өмүнээзинден силер бүгүдеге Өг-бүле хүнү таварыштыр чылыг-чымчак байырывыс чедирбишаан, сагыш-сеткилдиң өөрүшкүлүг көдүрлүүшкүнүн, кызыгаар чок аас-кежикти, чүректи чүглендириптер мөңге болгаш быжыг ынакшылды, каӊ дег кадыкшылды йөрээп тур бис! Өг-бүлелерге өөрүшкү-маңнай болгаш арыг-шынчы ынакшыл кезээде доктаап турзун!