ТӨРҮТТҮНГЕН ХҮН-БИЛЕ БАЙЫР ЧЕДИРИИШКИНИ
Хүндүлүг Аян Сергеевич,
тыва хөөмейниң үзүктел чок бурунгаар сайзыралы, ооң күүседикчилериниң келир үеде салым-чолу дээш, Тыва үндезин культура төвүнүң ажылдакчылары-биле сырый харылзаалыг ажылдап, хөй-ле санныг янзы-бүрү хемчеглерни эрттирип, арга-сүмеңерни кадып, бир дем-биле ажылдап чорууруңарга өөрүр-дүр бис!
Тыва Республиканың хөөмейжилер эвилелиниң удуртукчузу болур белен эвес ажылга бодуңарның арга-дуржулгаңарны киириштирип, сеткилиңерден бердинип, эвээш эвес чылдарның дургузунда шудургу ажылдап чоруур силер. Ооң бадыткалы дээрге-ле амгы үеде Силерниң удуртулгаңар-биле хөөмейжилерниң эвилели республикавыстың база бир идепкейлиг хөй-ниити каттыжылга чери апарганы-дыр.
Бо чараш байырлалыңар таварыштыр ал-бодуңарга, чоок кижилериңерге каң дег быжыг кадыкшылды күзеп, өг-бүлеңерге амыр-тайбыңны, улуг-улуг чедиишкиннерни йөрээр-дир бис!
Хүндүткел-биле,
Тыва үндезин культура төвү
#тыва#тыва_төп#байыр_чедириишкини#лица_тувы#
